PENDIDIKAN AGAMA ISLAM - ppt download

PENDIDIKAN AGAMA ISLAM - ppt download: PENGERTIAN Usaha untuk memperkuat iman dan ketakwaan terhadap Tuhan Yang Maha Esa, sesuai dengan ajaran Islam, bersikap inklusif, rasional dan filosofis dalam rangka menghormati orang lain dalam hubungan kerukunan dan kerjasama antar umat beragama dalam masyarakat untuk mewujudkan persatuan nasional (UU No. 2 Tahun 1989).

pendidikan karakter keluarga muslim

• Hadi SantosoUniversitas Nahdlatul Ulama Surakarta

Abstract

Pendidikan sangat mempengaruhi iman, takwa, akhlak, ilmu seseorang dalam kehidupannya, pendidikan yang baik membentuk manusia yang berakhlak baik, berbudi mulia, bermanfaat bagi dirinya maupun lingkungannya. Karakter tersebut tidak didapatkan dengan instan, tapi melalui  melalui proses yang panjang dan dukungan baik dari dalam diri maupun dari luar diri seseorang siswa.

Keluarga muslim adalah keluarga yang dimulai dari perkawinan antara laki-laki dan perempuan melalui proses akad nikah atas dasar kerelaan untuk melestarikan keberlangsungan manusia di muka bumi, dan memelihara agama, jiwa, akal, dan harta.

Pembinaan karakter keluarga muslim menurut pendekatan sosiologis adalah bentuk pendekatan untuk membina karakter  keluarga muslim melalui gejala-gejala sosial yang timbul di masyarakat berdasarkan syari’at Islam untuk menanamkan norma dan kebiasaan perilaku keluarga muslim, sehingga menjadi keluarga yang sakinah, mawadah, warohmah. Pendekatan sosiologis tersebut meliputi ekspresi budaya, pengetahuan dan keterampilan, pengawasan sosial, standar hidup, kontak dari kelompok tertentu, mobilitas sosial.

 http://jurnal.staiannawawi.com/index.php/At-Tarbiyat/article/view/131

Kata Kunci : Pendidikan, Keluarga, Karakter.

PAMBIWARA LUGAS

PAMBUKA

 Assalamu’alaikum Wr.Wb.

Kula nuwun,

Rinengga manis aruming pambudi, sinubo ing pakurmatan datan ninggal ing kautaman

Para pinisepuh,sesepuh ingkang hanggung mastuti dateng pepoyaning kautaman ingkang satuhu kinurmatan

Para baraya wirayata, para pangemban pangembating praja ingkang mingka dados pandam pandoming kawulo dasih ingkang pantes sinudarsono. Para tamu sinedahan kakung saha putri, ingkang winengku hing pakurmatan.

Hawit dahat guguping manah kula hing wanci siang menika, dene kula ingkang kadawuhan dening Bapa WAKIJAN sekalian, ingkang saperlu hambiwaraaken hanggenipun hanampi nugraha gung, kepareng hangentas pitulus putra hingkang mijil putri, ingkang hasesilih Rr NUNUNG INDRIYATI ingkang sampun tinangsulan reh sataning agami saha nagari kalian Bg MUKLIS ARIFIN, admaja kakungipun Bapa Almarhum DARTO WIYONO KALIAN Ibu Darsih ingkang pidalem hing Talun Rt 03/6 Karang Bangun, Matesih, Karanganyar kalebet wewengkon KARANGAYAR, kala wau enjing tabuh 07.00 mapan wonten ing wisma pahargyan NIKMAT RASA kanthi wilujeng nir baya nir hing sambekala

Keparengna langkung rumiyin, pambiwara hangaturaken pambagya wilujeng menggah rawuh panjenengan sadaya.

Salajengipun pambiwara badhe maosaken rancanganing lampah lampah, ingkang sampun karakit para sutresna budaya hing wanci siang menika

Hingkang kanti menika dumateng kadang panata pita laras, mugi hangaturaken ungeling Ketawang Mijil Wigaringtyas, laras pelog patet nenem,       sumangga.

(Ktw Mijil Wigaringtyas, Mungel)

Alhamdulillah, Alhamdulillahi robbil “alamin, wabihi nasta’inuhu ‘ala umuriddunya wad din.

Ashadu anla ilaha ilalloh wah dahula syarikalah

Wa anna muhamadan abduhu warosulluh

Allohuma sholi ala sayidina muhammadin, wa’ala alihi, wa shohbihi aj ma’in

wamin ayatihi ankholakolakum min angfusikum azwajal litas kunu ilaiha waja 'ala bainakum mawadda tau warohmah. Inna fi dzalika la ayati llikoumya tafakkarun. Amma ba’du

Robbis rohli sodri wayasirli amri, wah lul u’datambilisani yafkahu kaulihi

Para tamu sinedhahan kakung saha putri ingkang winengku hing suka basuki

Minangka purwakaning atur, langkung rumiyin sumangga panjenengan sadaya kula dherekaken hangaturaken puja hastawa puji hastuti, syukur panuwun ingkang tanpa pepindhan, konjuk hing ngarsa dalem Gusti Alloh Ingkang Maha Kuwaos, bilih hing wanci siang menika, panjenengan sadaya saha kula, saged manunggil wonten hing wisma pahargyan NIKMAT RASA kanthi wilujeng nir baya nir hing sambekala.

Dene nugraha hingkang sampun kapatedhakaken meniko, sumangga sesarengan dipun tampi, satemah saged hanentremaken swasana, lahir temusing batos.

Para tamu kakung saha putri ingkang bagya mulya

Lampahing tatacara hingkang sepisan, mijiling temanten putri saking panti busana ingkang kakanthi dening Ibu Marsudi. Sasampunipun temanten putri satata lenggah wonteng ing kursi rinengga, tumuli bidaling utusan pamethuking temanten kakung, nyuwun keparengipun Bp. Tusimin.

Sasampunipun penganten kakung rawuh kalajengaken tatacara pasrah panampi, Ingkang masrahaken Bp. Amar Ma’ruf, ingkang kasumbul dening Bp Rohmad saha Bp Agus Waskitha Ingkang hanampi pasrahing temanten kakung Bp. Mustakim, ingkang kasumbul sawurinipun dening Bp.Paino saha Bp. Domiri    

Tataraca ingkang angka kaleh, tatacara PANGGIHING TEMANTEN, ingkang samangke bade kpratitisaken dening Ibu Marsudi saha Ibu Sukesi.sasampunipun panggih tumuli binoyong lenggah hing palenggahan piniji.tumuli hangacarani rawuhipun besan sakulawarga, hanggenipun mertuwi putra  ingkang kapahargya hing wanci siang menika, samangke kapratitisaken deng Bp Tusimin

Besan sampun satata lenggah, temanten sarimbit tumuli nyuwun tambahing donga pangestu, ugi winastan tatacara sungkeman.

 Tatacara ingkang angka tiga nun ninggih mauidhoh hasanah ugi winastan ular” penganten kalajengaken pandonga, ingkang samangke nyuwun keparengipun Bapa Muhammad Nasir, kalajengaken pambagya harja  wilujeng rawuh para tamu sadaya ingkang samangke nyuwun keprengipun Bapa Tusimin ingkang kasumbul sawurinipun dening Bp. Sugiman saha Bp. Ponijan

Wondene hingkang pungkasan, paripurnaning pahargyan, hing wanci siang menika

Mekaten para tamu, rancanganing lampah lampah, pahargyan dhaupipun Rr NUNUNG INDRIYATI kaliyan Bg MUKLIS ARIFIN, mugi wiwitan, tengahan, saha pungkasan, Gusti Alloh hingkang maha Agung tansah paring pangayoman……..rahayu hingkang sami pinanggih, nuwun…………….

1.      NGACARANI PENGANTEN PUTRI LENGGAH

Para tamu kakung saha putri, hingkang utami hing budi.

Sasampunipun pambiwara maos rancanganing lampah lampah, bilih sasmita ingkang kula tampi saking pangarsaning pahargyan, penganten putri hanggenipun ngagem busana, ngadi sarira, mulas wadana sampun kepareng paripurna. Tumuli daya kalenggahaken wonten hing palenggahan rinengga. Penganten putri kakanthi dening Ibu Marsudi lan tumuju hing unggyan piniji, kinurmatan ungeling ketawang Sekartejo, larasipun slendro menyura, sumangga.............

Sakedhik rumpaka

Katingal wonten cahya sumunar saking katebihan, inggih sunaring penganten putri, yo genduk NUNUNG INDRIYATI ingkang mijil saking panti busana, ya panti piningit.

Katingal lonlonan anggennya lumaksana, kebak hing pangati-ati, hawit emut pangandikanipun para nata, Rum Kuncaraning Bangsa dumunung haneng luhuring budaya.

Penganten putri kakanthi dening Ibu Marsudi saha Ibu Sukesi. Heninging cipta namung nyenyuwun wonten ngarsanipun Gusti Alloh Ingkang Maha linangkung, mugi hanurunaken wahyuning palakrama sajuga dumateng  penganten sekaliyan.

Katingal laju genya lumaksana tumuju hing unggyan ingkang sampun piniji, daya lenggah kanthi hanggana raras,,,,,,,,,mangkana sigeging rumpaka.

BIDALIPUN UTUSAN METHUK PENGANTEN KAKUNG

Para tamu kakung putri ingkang winengku hing pakurmatan.

Sasampunipun penganten putri kalenggahaken hing palenggahan rinengga kanti hanggana raras, tumuli kalajengaken tatacara bidaling utusan methuk penganten kakung hing panti palereman, wondene ingkang rinesaya ingkang kinurmatan Bapa Tusimin, bidalipun Bapa tusimin kkinurmatan ungeling ayak-ayakan larasipun pelog barang,,,,, sumangga

Ayak”an suwuk

para tamu kakung saha putri ingklang bagya mulya, kasembadan lulus raharja, bidaling utusan pamethking penganten kakung tumuju hing panti palereman.

Wondene menawi hing mangke penganten kakung sampun kepareng rawuh, tumuli kalajengaken tatacara pasrah panampi, wondene Ingkang hanampi pasrahing temanten kakung Bp. Mustakim, ingkang jumenengipun kasumbul sawuri dening Bp.Paino saha Bp. Domiri. Ingkang kanthi menika sumangga kulo dherekaken nyaket panyora swara

Rawuhipu penganten kakung kinurmatan ungeling Ladrang wilujeng larasipun pelog barang, sumangga....

 Nyandra RAWUHIPUN PENGANTEN KAKUNG

 Sampun kapireng ungeling LadrangvWilujeng larasipun pelog patet batang, minangka pakurmatan rawuhipun penganten kakung sapanganrak daya manjing hing madyaning pahargyan.

Lanlanan nggennya lumaksana dipun pangarsani dening Bapa Ma’ruf katingal nggennya lumaksana kebak hing pangati-ati.

Penganten kakung hangagem busana kaunggulaning busana, katingal pating galebyar pating calorot, pindha kartika harebut papan.

Katingal saya caket nggenya lumaksana daya manjing hing madyaning pahargyan, mangkana sigeging rumpaka.

Ldr wilujeng suwuk

Para tamu kakung saha putri, pangarsaning lampah Bp, Ma’ruf sampun kepareng hanyaket panyora swara, tumuli hamasrahaken penganten kakung, ingkang kanthi menika kulo sumanggakaken,,,,sumonggo

Pasrah

Pasrah penganten tumuli katampi dening Bapa Mustakim ingkang kanti menika kula sumanggakaken,,,sumangga

Panampi

Para tamu kakung saha putri

Tatacara pasrah panampi sampun kalampahan kanthi wilujeng, kalis rubeda kalis hing sambekala.

Salajengipun penganten badhe hanindakaken tatacara panggihing penganten, Kasuwun hanganthi penganten putri Ibu Marsudi saha Ibu Sukesi, ingkang kasuwun hanganthi penganten kakung Bapa Paino saha Bapa Domiri, nyawisaken ubarampe pangggih ibu Arista, ingkang ngasta beri isi slindur Rara Lia Ambar Sari

Ingkang kasuwun hamanggihaken penganten Ibu Arista

Para tamu kakung saha putri, panggihing penganten kabiwardha embaning gangsa denda gede yo kodok ngorek,,,,, sumangga

Rumpaka Panggih

Sampun kapireng embaning gangsa kodhok ngorek yasan ndalem Panembahan senopati hing Mataram, minangka pakurmatan dumateng penganten sarimbit, sampun kepareng jengkar saking palenggahan penganten putri, saya hanyaket hing unggyan piniji, hing unggyan piniji sampun samapta abon aboning upacara, katingal kambang kambang kumambanging sekar tri puspa arane.

Tri telu puspa kembang, kembang telu cacahe, mawar melati miwah kanthil, katingal saya caket nggennya lumaksana, temanten tumuli apagut tingal, tempuking pandulu catru netra linambaran budi luhur, sakala wonten daya pangaribawa ingkang tumanduk dumateng penganten sarimbit.

Tumuli penganten kakung katingla kumlawe astanipun, hambalang gantal tumuju hing jaja, tumuli penganten putri gumanti hambalang kaeneraken tumuju hing jengku, ingkang mengku pasemon, pratandha bektinipun penganten putri pring guru rabi.(kasingkep slindur)

Pambiwara kendel, sasampunipun penganten kasingkep slindur

BESAN RAWUH MERTUWI

Para tamu kakung putri hingkang winengku hing suka basuki, tatacara panggih sampun kasembadan kanthi lulus raharjo, tumuli hanampi rawuhipun besan dalasan para kulawarga, ing wekdal menika katemben lerem hing panti palereman.

Wondene hingkang kasuwun hangacarani, nyuwun keparengipun bapa Tusimin sekaliyan.

Menawi mangke besan sampun kepareng rawuh, kasuwun ngaturi jumenengipun ingkang hamnegku gati bapa Mustakim, rawuhipun besan sak kulawarga kinurmatan ungeling Ldr. Tirtokencono, sumangga.

Besan sampun rawuh

Para tamu kakung saha putri, hing ri kalenggahan punika, kadang besan saha para kulawarga sampun kepareng rawuh manjing hing madyaning pahargyan, tumuli tangkep asta manunggaling rasa, daya kaderekaken lenggah hing palenggahan piniji.

Wondene ingkang kasuwun hangaturi lenggahipun para kulawarga, kulo sumanggakaken dumateng pata hamong tamu sak cekapipun, sumangga.

SUNGKEMAN

Para tamu sinedhahan kakung saha putri

Sasampunipun tatacara ing ngayun kalampahan, tumuli penganten sekaliyan badhe nyuwun tambahing donga pangestu, hanggenipun badhe lumebet wonten hing alaming bebrayan agung

Wondene ingkang kasuwun mratitisaken lampahing tatacara sungkeman menika, nyuwun keparengipun Ibu Sukadi, saha Ibu _______________,

Tatacara sungkeman menika, kinurmatan ungeling ladrang Ladrang Sriwidodo,  sumangga………….

Para tamu kakung saha putri

Sampun kepareng jengkar saking palenggahan piniji penganten sarimbit, daya ngrungkepi pepadaning ingkang Rama saha Ibu.

Katingal sesedhokan hanggenya nyaket Rama saha Ibu, hawit emut duk rikala tasih timur, tansah ginunggung dateng pepoyaning kautaman. Katingal kebak subasita lan tatakrama.

Tamgkeping asta sumembah hing jengku tengen, sineratan heninging cipta rumasuk hing sanubari.

Nalika samana ingkang Rama mirsani pepadanira penganten putrid  kawijil pangandikanipun, duh ngger bocah ayu NUNUNG INDRIYAT kowe tak kudang, tak pondong, tak lelo lelo, nalika isih timur.

Dene gegayuwanku muga-muga kowe mbesuk dadiya wanita kang bekti marang kakungmu, keblat panembahmu marang Gusti kang Akarya Loka, uga bekti marang mara tuwamu kang paring rasa mulya marang sliramu.

Nini……tak rewangi paribasan ngurangi mangan lan turu, dadiya tapa brataku, kowe mbesuk dadiya wanita, Pati Brata Darma. Lire….., wanita kang bisa njaga sucining babahan hawa sanga, setya mring kakung, ing donya tumekeng ndelahan.

Wijiling pangandika kanthi hangelus-elus pamidhangane, winiwir-iwir rikmane kanthi kebak tresna lan asih gennya hanampi sungkemipun ingkang putra penganten.

Penganten sarimbit mirengaken pangandikanipun ingkang rama, katingal hangalumpruk pindha kapuk, katingal waspa mijil deleweran hanelesi busananira, katingal teles kebes kumes kekes rumasuk ing balung sungsume penganten.

Penganten sarimbit jegreg pindha tugu sinukarta, daya rerantan tumuli lenggah hing palenggahan rinengga,

Mangkana sigeging rumpaka.

Ular ular terus pandonga

Salajengipun para tamu kakung saha putri, tatacara ingkang salajengipun nun ninggih tatacara mauidhoh hasanah, ular ular penganten kalajengaken pandonga, ingkang kapiji nun ninggih Bapak Muhammad Nasir, ingkang kanti menika kulo sumanggakaken, sumonggo,,,,,,,,,,,,

Ular” Rampung

minangka jangkeping subasita lan tatakrama, Bapa Wakijan sekaliyan tumuli badhe manembrama rawuh panjenengan sadaya, ing kalenggahan menika kersanipun Bapa Wakijan badhe matur piyambak wonten ngarsanipun para tamu sadaya, hanamung awit bombonging manah pramila Bapa Wakijan mboten kuwawi matur piyambak, pramila awit saking menika ngresaya keparengipun Bapa Tusimin. Jumenengipun Bapa  Tusimin kasumbul sawurinipun dening Bapa Sugiman saha Bapa Ponijan.

Wondenen ingkang kasuwun mratitisaken jumenengipun penganten sekaliyan kahapit hapit dening rama saha ibu, kulo sumanggakaken dumateng Bapa Ibu Mustakim

Murih kasembadaning sedya kula sumanggaken ingkang sampun piniji, sumonggo……

Pambagya harja

Mekaten para tamu kakung saha putri, haturipun Bapa Wakijan sekaliyan, ingkang sampun dipun salirani dening Bapa Tusimin.

PUNGKASAN

Para tamu kakung saha putri, bilih sasmita ingkang kula tampi saking pangarsaning pahargyan, pahargyan hing wanci siang menika sampun ndungkap paripurna, wondene ingkang kasuwun hanjengkaraken penganten sarimbit, nyuwun keparengipun Bp/Ibu Tarmuji sekaliyan, kadherekaken ingkang

sami bebesanan, tumuju hing sangajenging wisma pahargyan, saperlu tangkep asta kaliyan para tamu miwah nguntapaken konduripun para tamu sadaya.

Jengkaring Penganten Kinurmatan Ungeling Ladrang Tedhak Saking, Laras Pelog Patet Barang, Kalajengaken Ladrang Gleyong Laras Pelog Pathet Nenem, Sumangga.

Para tamu kakung saha putri, kula ingkang kadhawuhan hambiwarakaken lampahing tatacara, nglenggana kathah atur kula ingkang mboten handamel sarjuning panggalih panjenengan sadaya, awit saking punika kula nyuwun lumunturing samodra pangaksama.

Kunduripun para tamu kinanthenan hasesanti, gangga gangga tri gangga, durga mendak kala sirna, hayu hayu rahayu ingkang sami pinggih.

Wa Allohu Al Muwafiq

Illa Aqwami  At- thoriq

Wassalamu’alaikum Wr. Wb.           

PASRAH PENGANTEN KAKUNG

PASRAH PENGANTEN KAKUNG Assalamu’alaikum Wr. Wb. Dumateng Bapa Setu ingkang minangka sulih salira Bapa Kampret sarimbit, ingkang winengku ing pakurmatan. Mugi sih wilasaning Gusti Alloh SWT kaganjar dumateng panjenengan sumrambahipun dumateng para tamu sadaya. Keparengna kulo matur wonten ngarsa panjenengan, awit kula sinaraya Bp Sukir sekalian saperlu matur sawetawis wonten ngarsa panjenengan. Hamiwiti atur kula ingkang sepisan, lumantar kula Bp Kampret sekalian atur salam wilujeng katur dumateng Bapa Sukir sekalian, kanthi wasilah Assalamu’alaikum Wr.Wb. mugi mangke kaaturna. Atur kula ingkang angka kalih, kula sampun kasembadaning karya hanganti penganten kakung saking tlatah Alengko diraja, tumuju hing sangajenging wiwaraning pahargyan kanthi wilujeng nir hing sambe kala. Reh dene penganten kakung pun Bagus Rahwana sampun kula sowanaken wonten ngarsa panjenengan, kulo suwun panjenengan kersa hanampi kanthi bingah katarimah ing manah. Bab kalaksananing sedya badhe kapahargya penganten sekalian kulo pasrahaken dumateng panjenengan, sinartan puji donga mugi Gusti Alloh SWT kepareng paring kanugrahan dumateng penganten sekaliyan anggenipun badhe hamemangun balewisma. Atur kula ingkang angka tiga, dene Bapa Kampret sekaliyan anggenipun sowan wonten ngarsanipun Bapa Sukir sekaliyan bebasan namung badhe hangraketaken pasedherekan, pramila Bapa Kampret sekaliyan ngaturaken tali asih ingkang kathahipun mboten kepareng kaaturaken, menika kinarya sarana ngraketaken pasedherekan lan bebesanan. Ingkang angka sekawan, bilih Bapa Kampret sekalian mbenjing ing dinten Jemuah Kliwon surya kaping2 Suro tahun je, watawis tabuh8 dalu badhe hanindakaken pahargyan ngunduh penganten, lumantar kula Bapa Kampret sekaliyan hangaturi Bapa Sukir sekaliyan, mugi keparenga hanglarapaken penganten sekaliyan wonten hing Alengka diraja. Ingkang pungkasan, hambok bilih sakmangke pahargyan hing wanci siang menika sampun paripurna, Bapa kampret sekaliyan ngaturaken nyuwun pamit, mugi pinaringan rahayu slamet anggenipun kondur dumugi dalemipun piyambak-piyambak. Hing wasana kulo piyambak dalah sapangombyong, ngrumaosi anggen kula matur wonten kiranging tatakrami saha nalingsiring kasusilan ingkang njalari kirang renaming penggalih, kasuwun halapang jaja angluberaken agunging samodra pangaksami, hing wasana Wallohul mufafiq ila aqwami tariq wassalamu’alaikum wr.wb.